كيفاش يلزمني ننجح ؟
_________
ضوارب المواد في الباكالوريا الرسمية – باكالوريا اداب
الفلسفة 4
العربية 4
التاريخ و الجغرافيا 3
الفرنسية 2
الإنجليزية 2
تفكير اسلامي 1
الإعلامية 1
الرياضة 1 ✓
المادة الإختيارية
______
معدل احتساب مادة الرياضة :
معدل الباك سبور ضارب 2 + المعدل لي جبتو وسط العام و تقسمو على 3
الرياضة الناس الكل لي عدات جابت فوق ال 15 يعني عندك للحظة هاذي على الأقل 5 نقاط بونيس فوق العشرة تنجم ترقع بيهم المواد لي لا قدر الله اطيح فيهم في الباك الكبيرة
______
الباك انفو نهار 24 لجماعة اللاتر و عادة الدفوار يجيبوه مبسط باش ناس طلع بيه النوت و هذا من شأنو يزيدك في النقاط لي فوق العشرة فتقدر تجيب 15 في الأنفو كمعدل و هكا بونيسك يطلع ب 5 نقاط آخرين و يولو عندك 10 نقاط زايدين بين الأنفو و السبور
______
المادة الإختيارية خاصة اذا انت من جماعة لي مختارين إنجاز مشروع ولا تشكيلية أو لغة أجنبية بشرط انت تكون فاهم شويا قادر تجيب حتى 15 معدل و بالتالي يزيد بونيسك 5 نقاط آخرين و يولو 15 نقطة زايدين عندك جبتهم بين الأبسيون و الأنفو و السبور ، تنجم ترقع بيهم مبعد المواد لي باش طيح فيهم
#ملاحظة شمعناها 15 نقطة بونيس
معناها النقاط لي جبتهم فوق العشرة و لي هوما يعاونوك مبعد باش ترقع المواد لي جبت فيهم تحت العشرة
توا تبقاو عندنا المواد الأساسية لي هوما 5 مواد العربية ، الفلسفة ، التاريخ و الجغرافيا ، الفرنسية ، الإنجليزية ..
انت اذا تحب تنجح يلزمك تكون متمكن على الأقل من 3 مواد منهم ، تحصل فيهم كل وحدة معدل 10 فما فوق ، اش يبقا ؟ يبقاو 2 مواد تحت المعدل هاذوكم الزوز بإذن الله ترقعهم بال 15 نقطة الزايدين لي جبتهم في السبور و الأبسيون و الأنفو و حتى بالمواد الأساسية لي جبت فيهم فوق العشرة و كذلك مادة التفكير الإسلامي طلعك ، و هكا تنجم تجيب معدلك العام عشرة و تنجح
الكلام هذا نظري و يلزمك ما تاخذوش بضحكة و تعرف كيفاه اطبقو و تكون عندك عزيمة قادر انك في كل مادة تجيب ما عندك و لي طايح فيها اطلعهولك المادة لخرا . و في نهاية الأمر انت حاول و ربي ماهوش باش يخيبك .. 💪💪
النوتات لي جبتهم في وسط العام الكل انساهم ، انت توا ما داخل كان بمعدل الباك سبور لي هو فوق ال15 لأغلب التلامذة و هذا حافز يشجعك مازالك الباك انفو ” ماهوش باش يكون صعيب ” و الباك الكبيرة لي كيما قتلك حاول تجيب معدلك في المواد لي انت مستانس تجيب فيها و المواد لي باش طيح فيهم حاول ما طيحش برشا باش تنجم ترقعها يااامناااس جابت 2 و 3 في مواد و نجحت مبعد علاش زعما خاتر رقعتهم بالمواد لي تڨد فيهم روحها ديما ، يعني ما فما شيئ مستحيل ، فقط ما تقفش و تقول أنا مانجمش لاااااا و ألف لاااااا ، كل محاولة هي طريق للنجاح و انت ان شاء الله باش تكون من الناجحين بإذن الله ✌💖